Shigeru Ban defende que l'arquitectura nun seya "namás pa privilexaos" con poder

Les construcciones del arquitectu xaponés usen abondos materiales desechaos o desechables

L’arquitectu xaponés Shigeru Ban, Premiu Princesa d’Asturies de la Concordia 2022 por dedicar gran parte de la so trayectoria a dar abellugu a víctimes de desastres naturales y conflictos, solliñó la importancia que tien pa él ayudar a aquellos que lo perdieron too y nun trabayar namás en construcciones pa los "privilexaos" con "poder y dineru".

Ban (Tokio, 1957) dio una rueda de prensa esti xueves n’Uviéu, onde mañana recibirá’l galardón que se-y dio poles sos décades de trabayu "guiáu siempres por valores humanitarios" y por ser exemplu d’arquitectura sostenible col usu de materiales inusuales como’l cartón, la madera o’l bambú.

"Quiero utilizar los mios conocimientos non solo pa los privilexaos, sinón tamién pa los que perdieron les sos cases", señaló ún de los arquitectos más anovadores del sieglu XXI.